Na alta viesca, el niyal fadré
Nel cimero del Corquiéu
Dende ellí sisilaré
La natura espoxigar
Al Urriellu subiré
Nel iviernu gris y escuru
Y na pica achisbaré
Al nuberu aportar
N'otra vida quiero ser
Una viquina y esnalar
Dende'l cielu azul ver
El país verde a los pies
En picáu habré baxar
A la güeta de refuxu
Nesa viesca del mío llar
Nel tueru d'un rebollu
Esperando ver pasar
Agospiáu na so madera
L'agua fría la inverná
Qu'anuncia la primavera
N'otra vida quiero ser
Una viquina y esnalar
Dende'l cielu azul ver
El país verde a los pies
Y nel branu buscaré
Na cordalera d'El Cuera
La mío pareya'l riscar
Que pase equí la invernera
Y veré les gaviluetes
Pescar pexes n'alta mar
Glayar penriba los barcos
Anunciando'l so bientar
N'otra vida quiero ser
Una viquina y esnalar
Dende'l cielu azul ver
El país verde a los pies
N'otra vida quiero ser
Una viquina y esnalar
Dende'l cielu azul ver
El país verde a los pies
Composição: Frank Delgado / Gema Garcia Del Pozo / David Mateos Rosete / Pablo Valdes Garro / Roberto Suarez Alonso / Paul Balmori Perez / Xurde Fernandez Alvarez / Xandru Martino Ruz