Tatoo Tatoo Tatoo

...tattoo tattoo tattoo
friara håst de wildn hund va scheißa intascheidn kunnt
weil aufn erschn blick håst gseachn anach na des is a wüda zeachn
anker messa skorpione weibaleit mit obn ohne
toatnschädl mit zwoa knochn håbnt se glei de gånz boahechtn gtochn
seeleit häfnbriada rocka legionäre giftla zocker
indiana gangsta-rapper åba heit håt jeda depp a ...
...tattoo tattoo tattoo
heit sen ålle wüde hund und heit treibnt s ålle wüd und bunt
und dass de welt des a kapiert is heit a jeda heita tätowiert
jus und bwl-studentn englischlehra in da rentn
tennistrainer würschtlbråter schlågasänger und finanzberåta
staudnhucka spårbuachspårer vw-golf- und opelfåhrer
oafåch jeds årschkappemusta håt auf seina hendlbrust a ...
...tattoo tattoo tattoo
wias hålt is in insra zeit hiatz wollnt a glei de weibaleit
en zeitgeist auf n body gspian und låssnt se mit nådln perforiern
girlies mutties und emanzen låssnt se es leder stanzen
kitschig bitchig und dezent fi n vollzug am wochnend
schmetterling und lotosbliah steangla åbe bis zan knia
sprüch und zoachn auf n håls und übern årsch a hirschgweih als ...
...tattoo tattoo tattoo
a jeda braucht hiatz a tatoo gånz wurscht warum und wia und wo
in dorf richt hiatz de metzgarei in hintazimma an tattooshop ei
da postla sticht si mr lover da schütznhauptmånn n andi hofer
brave hausfraun någlnt se "I love hansi h." ins dekolletee
i bin a schoa gånz dastochn am årsch an muats trum manta-rochn
und an gånz intimer stell de querschläger åls 3-D ...
...tattoo tattoo tattoo