Addó'
Si' nata tu, 'a sera, 'o cielo è rosa
E ll'acqua è comm'a ll'oro, è preziosa.
E 'a sabbia 'nfonne tutt' 'e ccose.
Addó'
Si' nata tu, 'o sole abbrucia 'a pelle,
'a notte, cchiù vicine songo 'e stelle
E ce ne stanno a mille a mille.
Ah, tu ca sunnave
'e te fá accumpagná da 'o viento,
Penzaste: "che furtuna 'a vita in occidente".
E chesto è assaje pe' chi nun tene niente.
Quanta criature arrivano 'a luntano
Pe' vedé crescere stu ggrano.
Ah, ll'italia è bella
Pe' chi tene 'a faccia nera.
Ma areto a 'sta ricchezza
Sapisse ch'amarezza.
E te n'accuorge quanno scenne 'a sera
E pienz'a 'o cielo tujo ch'è rosa
E 'a luna giá sta llá,
Mentre n'airone se ne va.
Addó'
Tu si' venuta è tutto n'atu munno
E nun è comme te pareva 'nzuonno.
E mo ca 'o tiempo sta cagnanno.
Addó'
Tu si' venuta quacche sera chiove
E nun è doce chello ca se prova
Penzanno a chesta vita nova.
Ah, ll'italia è bella
E quanno scenne 'a sera
E pienz'a 'o cielo tujo ch'è rosa
E 'a luna giá sta llá,
Mentre n'airone se ne va.